АҚШ-Қытай арасында қауіпсіздік келіссөзі күшін жойды. Фото: VOA.

АҚШ-тың жоғары лауазымдыларының бірі жексенбі күні БАҚ-қа берген мәліметінде, Қытай үкіметі АҚШ қорғаныс министрі Жеймс Мэттиспен келіссөз өткізуден бас тартқанын айтты. Бұл туралы The New York Times басылымы хабарлаған болатын.

Өзінің лауазымы мен аты-жөнін білдіргісі келмеген АҚШ-тың Қытай ісіне байланысты лауазымдысының айтуынша, қазірге дейін тараптар келіссөзді басқа уақытқа орналастыру туралы қандай да бір келісімге де келмеген.

Бұл туралы өз сараптамасында The New York Times басылымы: «Қытайдың бұл келіссөзден бас тартуы АҚШ-Қытай арасында көптеген мәселелерде қайшылық өршіп тұрғанын түсіндіреді. Айталық, Құрама Штаттың Тайваньға қару-жарақ сатып беретіні, Оңтүстік Қытай теңізі мен оның маңындағы теңіз айдындарындағы әскери қадамдарда екі ел арасында қайшылық тым терең күйде қалып отыр», – деп жазды.

Қытай лауазымдылары болса, екі ел арасында өткен апталардағы қайшылық салдарынан кезекті қауіпсіздік жөніндегі келіссөз күшін жойған. Қазір АҚШ-Қытай арасында сауда соғысы да өршіп тұр. Екі ел тарифтер арқылы жауаптасып жатқанына жарты жылға жуықтады. Дегенмен, Қытай СІМ басшысы Уаң Ий болса, АҚШ-Қытай сауда қақтығысынан алаңдаудың керек жоқ екенін айтады.

“The Qazaq Times”