Фото: EPA

Британиялық полицияның контртеррорлық бөлімшесі РФ Барлау қызметінің бұрынғы қызметкері Сергей Скрипаль мен қызы Юлия Скрипальдың Солсберидегі улану ісіне қатысы бар үшінші күдіктінің шығу тегін анықтады, - деп жазады The Telegraph.

Белгілі болғандай, үшінші күдікті — ресейлік әскери барлауының агенті. Алайда, оның аты-жөні ашық жарияланбады. Оның Новичок жүйке-сал заттегі Британия еліне жеткізілмес бұрынғы шабуылды жоспарлауға көмектескені хабарланған. «Ресей Барлау ұйымының агенті Солсбериге екі әріптесі Ұлыбританияға улаушы заттекті жеткізбес бұрын келген», - деп жазады басылым.

Еске салайық, 2018 4 наурызда РФ бұрынғы агенті Сергей Скрипаль мен оның қызы Юлия Скрипаль британиялық Солсбери қаласында «Новичок»  атты жүйке-сал ауруын тудырушы заттекпен уланған еді. Ұлыбритания үкіметі аталған заттектің Ресейде жасалғанын мәлімдегенмен, Кремль бұл айыптауды жоққа шығарып келді. Сонымен қатар, осыған дейін аталған іске қатысы бар екі күдікті ұсталған болатын.

“The Qazaq Times”