Қазақстанның халықаралық қордағы қаржы көлемі жыл өткен сайын азайып келеді. Соңғы статистикалық мәліметтер бойынша, еліміздің халықаралық қаржы резервтері өткен жылмен салыстырғанда 6,2%-ға қысқарған.

2018 жылы шілде айының соңында қор көлемі 30,9 млрд АҚШ долларына тең болды. Ал, өткен жылғы көрсеткіш – 32,9 млрд доллар болған.

Қорлардың азаюына активтердің еркін айналымдағы валюта құнының 15,9%-ға, яғни 21,5 млрд доллардан 18,1 млрд долларға төмендеуі әсер еткен. Ал, таза алтын-валюта резервтері 30,4 млрд долларды құрады. Бұл – жалпы халықаралық резервтердің 98,4%-ы.

Ұлттық қордың шетел валютасындағы қаржысы 1 жылда  2,8%-ға немесе 1,6 млрд долларға қысқарды.

Осылайша, Қазақстанның Ұлттық қор активтерін қоса есепгендегі халықаралық резервтерінің жалпы көлемі 87,7 млрд АҚШ долларын құраған. Бұл бір жыл бұрынғы көрсеткіштен 4%-ға кем. Өткен жылы бұл көрсеткіш 91,3 млрд АҚШ долларына тең болған.

“The Qazaq Times”