Thaad зымыран қорғаныс жүйесі. Фото: CGTN

АҚШ Берлин билігінің келісімімен, неміс жерінде Thaad зымыран қорғаныс жүйесін орнатпақ. Бұл Солтүстік және Шығыс Еуропа елдерінің бірнешеуін өз ішіне қамтитын зымыраннан қорғану жүйесі болмақ. Бұл туралы VOA хабарлаған болатын.

Германия жеріне АҚШ-тың Thaad зымыран қорғаныс жүйесі орнатылуы, Ресей территориясынан Құрама Штатқа бағытталатын барлық зымыран жолы жабылғанмен бірдей.

Осыдан бұрын АҚШ тарабы Оңтүстік Кореяға Thaad жүйесін орнатып, Солтүстік Корея, Қытайдың солтүстік-шығыс, шығыс өңірлері және Ресейдің Владивосток қаласын өзінің бақылау аймағына қамтыған болатын. Бұл үшін Қытай мен АҚШ, Оңтүстік Корея арасында қайшылықтар арта түскен болатын.

Жақында Польша үкіметінің ұсынысымен АҚШ-тың екі әскери базасын өз жеріне орналастыруды сұрады. Тіпті әскери базаны құруға қыруар қаржымен көмекте көрсетпек. Осының бәрі де АҚШ-тың Ресейге бағытталған қысымы деуге болады.

“The Qazaq Times”