Фото: yeniakit.com.tr

"АҚШ президенті Дональд Трамптың Сүриядағы әскерлерін кері қайтаруға шешім қабылдағаны белгілі. Трамптың осы шешімінен кейін Сауд-Арабиясы Америка әскерлерінің Сүрияда қалуын өтінген еді. Енді осы "талап-тілектердің" соңы саудиялық биліктің абыройына нұқсан келтіретіндей нәтижемен аяқталды", - деп хабарлайды yeniakit.com.tr ақпарат агенттігі.

Сауд-Арабия билігінің осы ұсынысына орай, Трамп Америка әскерлерінің Сүрияда қалуы үшін Сауд-Арабиясынан оны қаржыландыруды талап еткен. Халықаралық ресми органдарының хабарлауынша, ақыры Сауд-Арабиясы Трамптың осы талабын қанағаттандыруға көнген.

Ақпарат көздері: "Америка Сүрия мен Ирактың арасында жаңа бір одақ құрмақшы. 30 мың адамнан құралады деп есептелген жаңа террорлық әскердің жалақысы Сауд-Арабия тарапынан төленбек. Яғни, террорлық әскер құрамына кіргендер енді ай сайын 200 доллар көлемінде жалақы алады" деп жазуда. Сауд-Арабиясының бұл әрекеті көпшілік саясаткерлер мен бақылаушылардың назарында. Ақпараттар күтілуде.

“The Qazaq Times”