Фото: podrobnosti.ua

Бүгін дүниежүзі саясаткерлері мен ақпарат агенттіктері АҚШ президенті Дональд Трамптың шешімін күтуде. Кешегі хабарларға қарағанда, бүгін Трамп Иранның ядролық бағдарламасына қатысты өзінің шешімін жарияламақ. Ол бұл туралы өзінің «twitter» әлеуметтік желісіндегі жазбасында білдірген.

Ол аталған мәселеге қатысты шешімін сейсенбі күні, жергілікті сағат бойынша 2-де (Астана уақыты бойынша, түнгі сағат 00-00 ), Ақ үйде жасайтынын мәлімдеген.

2015 жылдың шілде айында Иран, БҰҰ-ның тұрақты бес мүше елі және Германия Теһранның (Тегеранның) ядролық бағдарламасын реттеу туралы келісімге келген болатын. Енді аталған келісімшарт АҚШ, БҰҰ және ЕО-тың Иранға салынған санкциясын қарастырады.

“The Qazaq Times”