Фото: reuters

Мысыр ақпарат құралдары ел басшысы Әбдел Фаттах Ас-Сисидің 26-28 наурыз аралығында, үш күнге жалғасқан президент сайлауында 92 пайыз дауыс жинағаны, енді оның қайтадан президент болып сайлануы мүмкін екенін хабарлады.

Алғашқы сайлау қорытындылары бойынша, "Әл-Гед" партиясының басшысы Мұса Мұстафа Мұса  сайлаушылар даусының тек қана 3 пайызына ғана ие болған. Сонымен, әзірге жеңіс тұғырында саны жағынан ең көп дауыс жинаған ел президенті Әбдел Фаттах Ас-Сиси тұр. Мысырдың ресми ақпарат агенттігі "MENA" таратқан хабарға қарағанда, президент сайлауында тіркелген 60 миллион сайлаушылардың 23 миллионға жуығы ғана дауыс берген. Ал сайлаудың ресми қорытындылары дүйсенбі күні жарияланады.

  “The Qazaq Times”