Өзбекстан Қырғызстанға 100 миллион доллар қаржы бөлетін болды.

Ca-news ақпарат көзінің мәліметінше, ресми Ташкент қырғыз кәсіпкерлеріне 100 миллион доллар несие бермек. Қырғызстан экономика министрі Артем Новиковтың сөзінше, бөлінген қаржының барлығы Өзбекстан тауарларын Қырғызстан аумағына импорттауға жұмсалады. Бірақ аталмыш несиенің мемлекеттік емес қаржы институттары арқылы бөлінетініне байланысты, үкімет несиені тиімді пайдалануға байланысты жауапкершілікті өз мойынына алмайды.

Естеріңізге салайық, жақында Қырғызстан президенті Сооронбай Жээнбеков Өзбекстанға ресми іс-сапармен барған болатын. Іс-сапар барысында Жээнбеков Өзбекстан басшысы Шавкат Мирзиеевпен кездесіп, екі ел арасындағы сауда-экономикалық, мәдени-гуманитарлық салаларды дамытуға байланысты келіссөздер жүргізген.

“The Qazaq Times”