Фото: iz.ru

Венесуэла Президенті Николас Мадуро АҚШ салған санкциялардан айналып өту үшін криптовалютаны енгізбекші. Криптовалютаны шығару елдегі мұнай қорымен қамтамасыз етіледі, деп хабарлады vestifinance.ru Reuters агенттігіне сілтеме жасап. 

Мадуро жексенбі күнгі дәстүрлі телеэфирде: "Венесуэла мұнай-газ, алтын және алмаз қамтамасыз ете алатын  криптовалютаны жасап шығарады", - деген.

Мадуроның айтуынша, El Petro деген атауға ие болған криптовалюта Венесуэланың қаржылық операцияларды жүргізуіне және қаржы "қоршауынан" шығуына көмектеседі. Сондай-ақ, ол АҚШ Президенті Дональд Трамп үкіметі енгізген санкциялар Венесуэланың халықаралық банктерге қаржы аударымдарын тежеп отырғанын айтады.

Айта кетейік, Венесуэла биліктің экономикалық саясаты салдарынан ұлттық валюталары боливар құнсызданып, қазіргі кезде гуманитарлық дағдарысқа ұшараудың аз-ақ алдында тұр. Тіпті азық-түлік өнімдерінің тапшылығы байқалуда.

“The Qazaq Times”