Photo: kg.akipress.org

Қырғызстан президенті Алмазбек Атамбаев Өзбекстан басшысы Шавкат Мирзиеев пен Ресей президенті Владимир Путинді марапаттады.

Қырғызстан президент әкімшілігі баспасөз қызметі таратқан мәлімет бойынша, Алмазбек Атамбаев Өзбекстан басшысы Шавкат Мирзиеевті «Данакер» орденімен, ал Ресей президенті Владимир Путинді бірінші дәрежелі «Манас» орденімен марапаттаған.

Естеріңізге салайық, қос елдің президентін орденмен жарылқаған Алмазбек Атамбаев Қазақстан басшысы Нұрсұлтан Назарбаевты қараша айының 15-сі күні өткен Ұлттық кеңес отырысында «көрші елдің қартайған басшысы» деген болатын. Ол бұған дейін ресми Астананы Қырғызстанның ішкі саясатына араласты деп айыптап, екі ел арасындағы шекара дауына Қазақ билігі кінәлі деген.

“The Qazaq Times”