Қырғызстанда қазақ елшілігі алдында бейбіт шеру өтті – деп хабарлайды knews ақпарат көзі.

Жергілікті БАҚ өкілдерінің мәліметінше, елшілік алдына жиналған халық Қазақстан билігінен қазақ-қырғыз шекарасындағы дауды тез арада шешуді сұраған және бұл мәселе қысқа уақыт аралығында шешілмейтін болса, онда Қырғызстан билігіне Еуразиялық экономикалық одақтан шығу керектігі жайында талап қоятындарын айтқан. Шекара мәселесін шешуге Ақордаға 5 қарашаға дейін уақыт берген.

Елшілік алдына жиналған қырғызстандықтардың арыз-тілектерін елшілік қызметкерлері тыңдап, Қазақстан билігіне жеткізетіндіктерін айтқан. Бейбіт шеруге жалпы саны 25-30 адам қатысқан.

“The Qazaq Times”