Екінші Елизавета. Фото: Сегодня.

Ұлыбритания патшайымы II Елизавета патша тағынан кетпек. Ол баласы Чарльздің патша болуы үшін осы шешімді қабылдаған.

BBC-дің хабарлауына қарағанда, патшайымның тақты босату құжаттық жұмыстары басталып кеткен. 92 жастағы Ұлыбритания патшайымы Елизавета 95 жасында патша тағын ұлы Чарльзге босатып беру шешіміне келген.

Елизавета Александра Мария 1926 жылы 26 сәуірде дүниеге келген. Патша тағына 1952 жылы әкесі VI Георг қайтыс болғаннан кейін отырған. Ол Ұлыбритания және оған қарасты 15 мемлекеттің патшайымы болып саналады. Олар Австралия, Антигуа, Барбуда, Багам аралдары, Барбадос, Белиз, Гренеда, Канада, Жаңа Зеландия, Папуа, Жаңа Гвинея, Сент-Винсент, Гренадинер, Сент-Киттс пен Невис, Сент-Люсия, Соломон аралдары, Тувалу, Ямайка қатарлы елдер.

“The Qazaq Times”