Фото: Tengrinews

Алаяқтық жағдайлардың жиілеп кеткендігіне байланысты Астана қаласы әкімдігі ескерту жасады. Әкімдіктің мәліметінше, «Елорда даму» ЖШС жалға берілетін тұрғын үйді салу жөніндегі мемлекеттік бағдарламаға қатыспайды және Астана қаласындағы апатты тұрғын үйлерді бұзу жөніндегі пилоттық жобаны іске асырады.

«Елорда даму» ЖШС салынған объектілердегі тұрғын үй «Астана қаласының тұрғын үй басқармасы» ММ жасалынған шарттың негізінде бұзылушы апатты үйлердің меншік иелеріне ғана беріле алады, сонымен қатар Астана қаласы, Қорғалжын тас жолы, 25/3 үй мекенжайы бойынша орналасқан кәсіпорынның сату бөлімінде тікелей алына алады.

"Коммуналдық тұрғын үй қорынан тұрғын үй алу үшін Астана қаласының әкімдігінде кезекте тұрған азаматтарға «Елорда даму» ЖШС объектілерінен пәтерлер берілмейді", - делінген әкімдіктің баспасөз хабарламасында.