Халмаагийн Баттулга Монғолиядағы Қазақстан елшісі Қалыбек Қобландинді қабылдады, деп хабарлайды Монцамэ ақпарат агенттігі.

Кездесуде Қалыбек Қобландин Монғолия президенті Халмаагийн Баттулгаға президент болып сайланғанына байланысты Нұрсұлтан Назарбаевтың жолдаған құттықтау хатын табыстады.

Бұдан бөлек ол: «Биыл екі елдің дипломатиялық қарым-қатынас орнатқанына 25 жыл толып отыр. Қазіргі уақытта Қазақстан мен Монғолия арасындағы байланысты дамытуға жаңа мүмкіндіктер ашылды» - деді.

Ал Халмаагийн Баттулга өз кезегінде алдағы кездесулерде де Қазақстандық тараппен ой бөлісетінін айтып, елшілік қызметіне сәттілік тіледі.

“The Qazaq Times”