Фото: skyportal.ru

Қазақстан Республикасының Үкіметі Инвестицияны тарту жөніндегі Ұлттық стратегияны қабылдады. Ұлттық инвестициялық саясатты жүзеге асыру алдағы 5 жылда ел экономикасына келетін инвестиция көлемін 26 пайызға арттырады деп күтілуде.

ҚР Президентінің елде қолайлы инвестициялық климат қалыптастыру туралы тапсырмасын орындау мақсатында қабылданған Ұлттық стратегияда 2018-2022 жылдар аралығындағы жұмыс жоспары мен негізгі бағдарлар белгіленген.

ҚР Инвестициялар және даму министрі  Жеңісбек Қасымбектің пікірінше, Ұлттық стратегия ең бірінші кезекте, экспортқа бағытталған өнім шығаратын секторға тікелей шетелдік инветиция тартуға басымдық береді. Осы арқылы шикізаттық емес сектордың үлесін 46 пайызға арттыру көзделіп отыр.

Онан кейінгі кезекте қаржы нарығы мен туризм сияқты болашағы бар салалар тұр. Бұл салаға ұзақ мерзімді негізде қаржы салатын инвесторларды тарту жоспарланып отыр.

“The Qazaq Times”