Түркия Президенті Реджеп Тайып Ердоған мен Катардың әмірі Тамим бен Хамад Аль Тани. Фото: livejournal.com

Түркия Президенті Реджеп Тайып Ердоған Катардың әмірі Тамим бен Хамад Аль Танимен кездесті. Бұл туралы Әл-Жазира (Al-Jazeera) ақпараттық агенттігі хабарлады.

Кездесу барысында екі ел басшысы Парсы шығанағындағы дағдарыс пен оны
дипломатиялық жолмен шешудің жолдарын талқылады. Сондай-ақ Кувейттің
медиациялық қызметі жоғары бағаланып, Түркия мен Катардың терроризм мен экстремизмге қарсы бірлескен күресі сөз болды.

Түркияның Сыртқы істер министрі Мевлют Чавюшоғлы: «Түрік мемлекеті шешімін таппай отырған парсы шығанағындағы дағдарысқа біржола нүкте қою үшін екіжақты келіссөздер жүргізеді», - деп хабарлады.

“The Qazaq Times”