Фото: hi-news.ru

Қазақстанның емханаларында онкологиялық ауруларды емдеу үшін «жасанды интеллект» пайдаланылады.

IBM компаниясымен жасалған екіжақты келісімнің аясында жасанды интеллект арқылы науқасқа қандай ем қолдану керектігі анықталады. Технологияның деректер базасында мыңдаған ғылыми мақалалар мен құнды деректер орналастырылады. Бұл әлемнің озық тәжірибесі мен алдыңғы қатарлы жетістіктерін пайдалана отырып, науқастарға жедел көмек көрсетуге жол ашады. Аталған пилоттық жоба осы жылдың күзінен бастап жүзеге асырылмақ. Бұл туралы ҚР Денсаулық сақтау министрі Елжан Біртанов мәлімдеді.

Мұнан бөлек, «Қазақтелеком» АҚ бірлесіп жасаған midmail.kz бірыңғай пошта жүйесі іске қосылды. Қазірдің өзінде бұл қызметті 80 мыңға жуық дәрігер қолданады. Медицина қызметкерлерінің өзара тәжірибе алмасып, топтар құрып, белгілі бір мәселе бойынша пікір бөлісуіне мүмкіндік беретін жүйенің артықшылықтары көп дейді министрлік өкілдері.

“The Qazaq Times”