Қырғыз Президенті Алмазбек Атамбаев Фото: vb.kg

Қырғыз Президенті Алмазбек Атамбаев 2016 жылы 100 мың доллар қаржы жұмсаған. Ол оның тапқан табысыныан әлдеқайда көп. Президенттің мұндай қаражат жұмсағаны туралы мәліметті республиканың кадр қызметі келтіріп отыр.  

Декларацияға сәйкес, Атамбаевтың жалақысы бір жылда шамамен 1,2 млн сомды (17 мың доллар) құраған. Алайда ол осы бір жыл ішінде 8,3 млн сом, яғни 120 мың доллар жұмсаған. Мәліметке  сенсек, жұмсалған қаржы билік өкілінің жинағы екен. 2015 жылы Президент өзінің жинағынан 34 млн сом немесе 500 мың доллар жұмсаған.

Сондай-ақ, ұсынылыған мәліметтер бойынша қызғыз басшысының туыстары 2016 жылы 250 мың сом (3600 доллар) табыс тапқан.

Айта кетейік, Алмазбек Атамбаев 2011 жылдың желтоқсанынан бері Қырғызстанды басқарып келеді.