Павлодар облысының тұрғындары ЭКСПО билеттерін екі есе арзан бағаға сатуда.

Павлодар облысының азаматтары бір аптаның ішінде OLX сайтына ЭКСПО билеттерін сатуға байланысты елуден астам жарнама берген. Олар 4 мың теңгенің билетін 2-3 мыңға сатуда.

Жергілікті биліктің жоспары бойынша, ЭКСПО көрмесіне Павлодар облысынан 100 мың адам баруы тиіс болған. Осы мақсатта облыс тұрғындарына 80 мыңнан астам билет сатылған. Алайда осы уақытқа дейін Астанаға тек 20 мың ғана павлодарлық барған.

Бұл дегеніміз жергілікті билік халыққа билетті түрлі жолдармен сатқанымен оларды ЭКСПО-ға жібере  алмай отыр деген сөз.

“The Qazaq Times”