Фото: Kazpravda.kz

2017 жылдың 5 айында Қазақстанның экономикалық өсімі 4,1 пайызды құрады. Бұл туралы Ұлттық экономика министрі Тимур Сүлейменов халықпен есептік кездесуі кезінде мәлімдеді. 

"Алдын ала мәліметтер бойынша мемлекеттің экономикалық өсімі соңғы 5 айда 4,1 пайызды құрады, ал өткен жылдың бұл кезеңінде керісінше, 0,2 пайызға төмендеген", - деді ол.

Сүлейменовтың айтуынша, Қазақстан экономикасының өсуіне өндіруші және өңдеуші өнеркәсіп (9,2% және 6,8%-ға өсім байқалады), құрылыс ( 5,1%), транспорт (3,7%) салалары әсер еткен.

"Сондай-ақ, өсім ауыл шаруашылығында (2,7%), саудада (2,6%) және байланыс жүйесінде (2,4%) байқалады. Экономикалық өсімнің қалыпты қарқынының өсуі инвестициялық белсенділіктің артуы есебінен де болып отыр. Осы жылдың алғашқы 5 айында негізгі капиталға салынған инвестиция 5,2 пайызға жоғарылады", - деді министр.

“The Qazaq Times”