Фото: Iran.ru

КХДР кемелерге қарсы бірнеше зымыран ұшырды. Оңтүстік Кореяның қарулы күштерінің хабарлауынша, солтүстік жағалаудан ұшырылған зымырандар 200 шақырымды ұшып өтіп теңізге құлаған.

Ренхап агенттігі оңтүстік кореялық қарулы күштердің  мәлімдемесіне сәйкес: «Солтүстік Корея Вонсан ауданындағы Канвадо провинциясынан Жапон теңізіне қарай, белгісіз зымырандарды ұшырды. Болжам бойынша бұл кемелерге қарсы қолданылыатын қару болуы мүмкін» - деп, хабарлады.

Оңтүстік кореялық әскерилердің болжамынша, КХДР осы арқылы теңіздегі соғыс кемелеріне тойтарыс бере алатындығын білдіруі мүмкін.

Соңғы аптада АҚШ Корей аралдарының маңайына соғыс кемелерін жөнелткен. БАҚ өкілдерінің ақпаратына сәйкес, 5 маусым күні Солтүстік Корея жағалауына "Карл Винсон" және "Рональд Рейган" кемелерінін бөлек Сан-Диегодан тағы «Нимиц» авиаматкасы  жіберілген болатын.

“The Qazaq Times”