Фото: Daily Express

Түркия, Грузия және Әзірбайжанның арнайы жасақтары бірлескен әскери оқу-жаттығу өткізбек. Бұл туралы Грузия Қорғаныс министрлігінің басшысы Леван Изория мәлімдеді. Мәлімдеме Грузияның Батуми қаласында болып өткен Түркия, Грузия және Әзірбайжан елдерінің қорғаныс министрлерінің бесінші кезекті отырысынан кейін мәлім болды.

Түрік Теле-радиосының ресми сайтының хабарлауынша Грузия қорғаныс министрі кезекті отырыстың сәтті өткенін, тараптардың қорғаныс саласында бірқатар үйлестірулер жасағанын айтты.

Үш елдің арнайы жасақтарының бірлескен оқу-жаттығуы Грузияда болмақ. Бұған қоса күзде үш ел арасында арнайы жасақ қосындарына жоғары дәрежелі компьютерлік курс ұйымдастырылады. Мұндай бірлескен оқу жаттығуларды үш ал алдағы жылдарда дәстүрге айналдырмақ.

“The Qazaq Times”