Ұлыбитанияның Манчестер қаласында болған жарылысты жанкешті жасауы мүмкін деп хабарлайды Reuters ақпарат агенттігі.

Бұдан бұрын Ұлыбритания полициясы   Manchester Arena стадионында болған жарылысты террорлық акт деп мәлімдеген болатын.

Ал Ұлыбритания премьер-министрі Тереза Мэй жарылыстан кейін үкіметте шұғыл отырыс өткізген.

Sky News телеарнасының мәліметінше Ұлыбританияның Консервативті партиясы жарылысқа байланысты өзінің сайлау алды үгіт-насихат жұмыстарын уақытша тоқтатқан.

Кеше түнде Манчестер қаласындағы Manchester Arena консерт залында америкалық поп-әнші Адриан Гранденің ән кешінде жарылыс орын алып, салдарынан 19 адам көз жұмып, 59 адам жарақат алған болатын.

"The Qazaq Times"