Фото: reelgaste.com

Ұлыбританияның құзырлы органдары мессенджерлермен алмасқан хаттарды шифрлауға тыйым салып, қажет кезінде барлық ақпарат заң органдарына толықтай қолжетімді болуын қамтамасыз етуді талап етіп отыр.

Mirror басылымы жариялаған құжатқа сәйкес, «қажет жағдайда хат арқылы алмасқан ақпараттарға қолжеткізу мақсатында  электронды қорғанысты алып тастауға» мүмкіндік болуы тиіс.

Заңға сәйкес бұндай әрекеттер тек соттың рұқсатымен ғана, арнайы ордердің негізінде жүзеге асырылмақ.

Арнайы рұқсат бойынша барлық мәліметтер 1 күннің ішінде дайын болуы керек.

Бұл жобаның талқылау жұмыстары осы айдың 19-на дейін жалғаспақ. Бірақ Ұлыбританияның билік өкілдері бұл заңнама жайында ресми мәлімдеме жасамады.

“The Qazaq Times”