Бүгін күллі мұсылмандар үшін қасиетті саналатын Рамазан айыбасталды. Барша мұсылман қауымын осы ұлық мерекенің басталуымен құттықтаймыз!

Рамазан – бұл тек ауыз бекіту мен діни міндеттерді орындау ғана емес, сонымен қатар жүректі тазарту, сабырлық пен рухани кемелдікке жету айы. Бұл кезеңде әрбір мұсылман жақсылық жасап, жан дүниесін нұрға бөлеуге тырысады.

Бұл айдың әрбір күні – сабыр мен төзімділікке, кешірімділік пен мейірімділікке жетелейтін құнды сәттер. Аштық пен шөл арқылы адамның жан дүниесі тазарады, жүрегінде мейірім оянады. Мұқтаж жандарға көмектесіп, садақа беріп, жақындарға ерекше ықыласпен қарау – Рамазанның басты қағидаларының бірі.

Рамазан – кешірім мен құлшылықтың, шексіз сауаптың уақыты. Осы айда жасалған әрбір дұға, игі амал он есе, жүз есе артық сауаппен қайтады. Бұл – мүміндердің жанына шипа, рухына азық, жүрегіне тыныштық сыйлайтын сәт.

Рамазан айында береке күшейіп, бауырмалдық арта түседі. Әрбір ораза тұтқан жан тек өзін емес, қоғамдағы өзге адамдарды да ойлап, жақсылық жасауға асығады. Мұқтаждарға көмектесу, ата-анаға құрмет көрсету, рухани дамуға бет бұру – осы айдың басты мақсаттарының бірі.

Қадірлі ағайын, осы қасиетті Рамазан айында жасаған дұғаларымыз қабыл болып, жүрегіміз иман нұрына толсын! Ел-жұртымыз аман, бірлігіміз бекем, берекеміз мол болсын! Әрбір үйге шаттық, береке, молшылық, денсаулық пен амандық тілейміз.

Алла барша ораза ұстаған пенделерінің ниеттерін қабыл алып, екі дүниенің де бақытын нәсіп етсін! Рамазан айы құтты болсын!

The Qazaq Times