А. Цой Фото: ОКҚ

Қазақстанның әрбір жетінші азаматы вакцина алған. Бұл туралы кеше, 23 маусыма Орталық коммуникациялар қызметінде өткен брифингте тілшілер сұрағына жауап берген денсаулық сақтау министрі Алексей Цой айтты.

Оның сөзінше, елде коронавирусқа қарсы егіліп жатқан вакцинаның бәрі өте тиіміді, сондықтан басқа вакциналардың келуін күтіп қажет емес.

«Қазақстанның әрбір жетінші азаматы вакцина алды.  Бұл – үлкен жетістік. Басқа вакциналарды күтудің қажеті жоқ. Барлық вакциналардың ел аумағында қолдануға рұқсат етілгенін түсіну өте маңызды. Олар қауіпсіз, тиімді, тексерілген және шамамен 2,9 миллион адам осы вакциналарды салдырған. Тиімділігі өте жақсы, біз вакциналаудың көмектесетінін көріп отырмыз. Вируспен ауырғандар енді жұқтырмаймын деп ойлауы мүмкін, бұл мүлдем дұрыс емес. Қазақстанда қайта ауыру жағдайлары тіркелді, әлем бойынша да осындай статистика бар. Көптеген адам қайта ауырып жатыр және жағдайлары да өте ауыр. Өкінішке орай, қайтыс болып жатқандар да бар. Сондықтан өзін қорғау үшін, отбасын қорғау үшін міндетті түрде вакцина салдыру қажет» деді министр.

Қазақстанда вакциналау науқаны ақпанда бастаған. Әуелі ресейлік "Спутник V" екпесін, кейін осы екпенің Қарағандыда өндірілген нұсқасын салды. Сәуірде қазақстандық ғалымдар жасаған QazVac қолданысқа енді. Бұдан бөлек Қытайда әзірленіп, БАӘ-де өндірілген Hayat-Vax және қытайлық CoronaVac вакцинасын егіп жатыр.

15 маусымда елде коронавирусқа қарсы тағы бір екпе - QazCoVac-P вакцинасының клиникалық сынағы басталғаны хабарланды.

«The Qazaq Times»