Қазақстан денсаулық сақтау министрлігінің мәліметінше, елде өткен тәулікте 1174 адамға коронавиурс жұққан. Ал 16 маусымда 79 адам коронавирус пневмониясына шалдыққан.

Өткен тәулікте астанада 372 адамның анализінен коронавирус анықталған. Бұл – республика бойынша тіркелген ең жоғары көрсеткіш. Қарағанды облысында – 152, Алматыда 105 науқас анықталған. Қалған қалалар мен облыстарда анықталған науқастар жүзге жетпейді.

2020 жылдың наурыз айынан бері елде 406 383 адамның коронавирус тесті оң шыққан. Ал 2020 жылдың 1 тамызынан бері 56 412 адам коронавирус пневмониясына шалдыққан.

Індет басталғалы бері 4211 адам (16 маусымда 8 адам қайтыс болған) коронавирустан қайтыс болған. Тағы 3421 адамның өліміне коронавирус пневмониясы себеп болды (16 маусымда 1 адам көз жұмған) деп айтылады. Одан бөлек, індет басталғалы бері шамамен 2 мың адам коронавирустың "жанама әсерінен" қайтыс болған. Қазақстанда мұндай адам өлімі көрсеткіші Covid статистикасына енгізілмейді.

"The Qazaq Times"