Фото: cbc.ca
Қазақстандықтарды "Ислам мемлекеті" террористік ұйымына кіргені үшін азамматтығынан айыратын болады. Бұл жайлы ҚР президенті Нұрсұлтан Әбішұлы «МИР 24» арнасына берген сұхбатында айтқан болатын. 
Елбасы экстремистік топтарға байланысты берген сұхбатында: "Қазақстан Республикасының заңнамасына сәйкес ҚР-да дүниеге келген және тұрып жатқан азамат елден кетіп, кез-келген экстремистік ұйымдарға мүше болса, қайта елге оралу мүмкіндігі шектеліп, автоматты түрде азаматтығынан айырылатын болады. Бұл - мәжбүрлі шара. Бүгінде "Ислам мемлекетінде" Қазақстанның 500-600 шақты азаматы мүше, ал бұрынғы Кеңес үкіметіндегі елдерден жалпы 5 мыңға жуық адам кірген екен, бұл көрсеткіш соңғы кезде едәуір артып отыр.  Біз террористік топтарға мүше болып, кейін елге қайта оралғандармен профилактикалық шараларды ұйымдастырып көрдік. Бірақ одан еш нәтиже шықпаған соң, олардың елге оралуына біржола тыйым салуды жөн деп санадық" - деген еді.
“The Qazaq Times”