Көрнекі сурет. Фото: eurasia.expert

G20 саммиті келесі жылы 30-31 қазанда Римде өтеді. Бұл туралы Италияның премьер-министрі Джузеппе Конте хабарлады. Жетекші экономикалық державалар тобына келесі жылы төрағалық ететін Италияның ұраны – «Адамзат. Планета. Өркендеу» деп бектілді.

Конте Twitter-дегі парақшасында: «Көшбасшылардың қорытынды саммиті 30-31 қазанда Римде, Италияның астанасында өтеді. Онда біз жылды қорытындылаймыз», – деді Конте.

Шағын жолдауында Конте тұрақты және тең дамуды қамтамасыз ету, қоршаған ортаны қорғау, сондай-ақ жаңа қауіп-қатерлерге, санитарлық дағдарыстарға қарсы тұруды қамтитын жобалар талқыланатынын айтты.

Киджи мемлекеттік сарайының баспасөз қызметі 3-4 мамырда Римде мәдениет және туризм министрлерінің форумында G20 елдерінің СІМ өкілдері бас қосатын жиынның кестесі жариялады.

Мәліметтер бойынша, СІМ басшыларының кездесуі 28-30 маусым аралығында Матерада;

Экономика министрлерінің кездесуі 9-10 шілдеде Венецияда;

Қоршаған орта және энергетика министрлерінің кездесуі 22-23 шілдеде Неапольде;

Денсаулық сақтау министрлерінің кездесуі 5-6 қыркүйекте Римде;

Ауыл шаруашылығы министрлерінің кездесуі 19-20 қыркүйекте Флоренцияда жоспарланып отыр.

Жақында «Үлкен жиырмалық» тобының төрағалығы Сауд Арабиясынан Италияға өтті. Негізі 2021 жылы Үндістан, ал 2022 жылы Италия төрағалық етуі керек еді. Бірақ 2018 жылы Конте Нью-Делидің өтініші бойынша төрағалық етуге келісті. Себебі 2022 жылы Үндістан тәуелсіздігінің 75 жылдық мерейтойы атап өтіледі.

"The Qazaq Times"