Ұйғыр ауданында соңғы кезде қазақ пен ұйғыр жастары арасында жанжалдар жиілеп кетті. Бұл мәселеге қатысты облыс әкімі Баталов мырзаның тікелей назар аударуын талап етіп сайтымызда осыдан бұрын да материал жарияланған еді (мына сілтемеден көре аласыз ). Аудандағы қазақ азаматтарымен тілдескенімізде, бұған дейін болған жанжалдардың бәрінде жергілікті билік жылы жауып, "қазақтың аяғы ақсап жататынын" айтты. Бұл ретте де облыс әкімдігі аудандағы бес адам жарақат алған жанжалды тұрмыстық жанжал деп түйіндеді. Кезекті оқиға тұрмыстық жанжал болғанымен, ауданда қордаланған тамыры терең мәселені ерте жарықта шешу керек. Өңірлік, мемлекеттік қауіпсіздік мәселелеріне қатысты күн сайын күрделілене түскен жағдайлар бізге соны ескертеді. 

16 маусым күні түнде болған жанжалдың жәй-жапсарын, өңірдегі тұрғындардың пікірін біліп қайтқан едік. Нәтижесінде өңір тұрғындарының пікірі алуан түрлі болып шықты.

“The Qazaq Times”