Ұлыбритания парламенті 21 сәуірде жұмысын қайта бастайды. Бірақ қашықтан жұмыс істейді, деп хабарлайды ВВС.

Қауымдар палатасының өкілі Джейкоб Рис-Могтың айтуынша, парламент маңызды конституциялық функцияларды, үкіметтің жұмысын қадағалап, шығындарды есептеп, заңдарды қабылдауы керек. Парламенттік комитеттер телекоммуникацияның күшін пайдаланып отыр. «Келесі аптада парламент спикері, үкімет мүшелері және отырысың басқа спикерлері бас қосып, кезек күттірмейтін мәселелерді талқылайды», — деді Джейкоб Райс-Могг.

Бұған дейін Біріккен Корольдік премьер-министрі Борис Джонсоннан коронавирус анықталып, ауруханаға жатқызылған болатын. Қазір шенеуніктің жағдайы бірқалыпты, қауіп сейілген.

Коронавирус пандемиясының өршуіне байланысты Британ парламенті 25 наурыздан мерзімінен бұрын демалыс жариялаған. Ұлыбритания Денсаулық сақтау министрлігі таратқан мәліметтерге сүйенсек, елде 79 мыңнан астам адам коронавирус жұқтырған. Өлім-жітім саны 10 мыңға жетті.

"The Qazaq Times"