Индонезия коронавирус жұқтырғандарды елсіз Галанг аралына жібермек.

Jakarta Post газетінің хабарлауынша, Галанг аралында коронавируспен ауыратын науқастарды орналастыру үшін 1979-1996 жылдары Вьетнамнан келген босқындарға арналған лагерь ретінде пайдаланылған бірнеше ғимарат бар. Сонымен қатар аурухана карантин орталығы ретінде жұмыс істейтін болады.

Вloomberg сайтындағы өңделген мәліметтер бойынша, қазіргі уақытта коронавирус жұқтырғандар саны әлем бойынша 94566 адамға жеткен. Ал қайтыс болғандар саны – 3270 адам. Қытайдан кейін қауіпті ауруға шалдыққан саны көп елдер тізімінде Оңтүстік Корея, Италия, Иран, Жапония тұр.

"The Qazaq Times"