Көрнекі сурет: Қазақстан президенті Қасым-Жомарт Тоқаев және Беларусь президенті Александр Лукашенко

Беларусь мемлекетінің премьер-министрі Сергей Румас Беларусь азаматтарын Қытайдан эвакуциялауға көмектескені үшін Қазақстанға алғыс білдірді.

Беларусь үкіметінің ресми сайтында: «Сергей Румас Беларусь Республикасы Үкіметінің атынан 2020 жылдың 2 ақпанында коронавирус ошағы ҚХР Хубэй провинциясынан шығу туралы шешім қабылдаған 5 беларусь азаматын арнайы рейспен эвакуациялауға жедел көмек көрсеткені үшін Қазақстанға алғыс білдірді», – делінген.

Екі елдің серіктестігіне сенім білдірген Беларусь Үкіметінің басшысы азаматтарын Қазақстан тарабының астанадағы медициналық мекемеге орналастырып, 2 апта ішінде қажетті жағдай жасағанын айтты.

Айта кетейік, ошағы Қытайдан басталып әлемге тараған қатерлі коронавирус індетінен 2010 кісі көз жұмып, 75,1 мың адам жұқтырған. Дүниежүзілік денсаулық сақтау ұйымының аталған індеттің адам мен экономикаға залалы орасан деген мәлімдемесінен кейін, бірқатар мемлекеттер Қытайдағы азаматтарын эвакуациялады.

"The Qazaq Times"