Фото: https://www.inform.kz

Қазақстан 2020 жылы Дубайда өтетін EXPO көрмесіне 9 миллиард теңге жұмсамақ.

Осы жаңалықты хабарлаған сауда және интеграция министрі Бақыт Сұлтанов баспасөз маслихатында: «Павильонды дайындау жұмыстары жүргізілді, оған былтыр бюджеттен шамамен 9 миллиард теңге бөлінді. Павильон бөлшектеліп, Қазақстанға осы қаражаттың есебінен әкелінеді, кейін өңірлерде немесе астанада әрі қарай өз рөлін атқара береді», – дейді.

Дубайда (БАӘ) өтетін халықаралық көрме келер жылдың 20 қазанында басталып, 2021 жылдың 10 сәуіріне дейін жалғаспақ. Осыған дейін EXPO-2020 көрмесінде Қазақстанға ең үлкен орындардың бірі берілгені белгілі болған еді. Оның ауданы – 3 420 шаршы метр.

"The Qazaq Times"