Қазақстанның экс-президенті Назарбаев пен Түркістан облысының әкімі Өмірзақ Шөкеев А.Яссауи кесенеінің алдында. 4 қараша 2019 жыл. Түркістан. Фото: А.Үкібай

Назарбаев Түркістандағы құрылыс жұмыстарымен танысты.

Экс-президенттің баспасөз хатшысы Айдос Үкібай өзінің Twitter парақшасында Қауіпсіздік кеңесі төрағасының Түркістан облысына екі күндік жұмыс сапарымен барғанын хабарлады. Облыс орталығындағы мәдени және білім беру нысандарының, әртүрлі саябақтар мен Арбаттың салыну жоспарымен, құрылыс барысымен танысты. Сонымен қатар, Н.Назарбаевқа «Күлтөбе қалашығы» археологиялық паркін құру жобасы ұсынылды. Соңғы кездері Назарбаев қысқа мерзімді үзілістен кейін публика алдына қайта шығып, ақпарат айдынынан жиі көріне бастады.

Былтыр 21 маусымда Түркістан қаласы Түркістан облысының (бұрынғы Оңтүстік Қазақстан облысы) орталығы болып қайта құрылған болатын.

Түркістан облысының әкімі Өмірзақ Шөкеев Қазақстанның экс-президенті Назарбаевқа қала жоспарын таныстырып тұр. 4 қараша 2019 жыл. Түркістан. Фото: А.Үкібай

"The Qazaq Times"