Көрнекі сурет. https://baikal24.ru

Сарышаған және Шығыс полигондарында Қазақстан мен Ресей әуе күштерінің бірлескен «Шығыс-2019» оқу-жаттығу жиыны өтіп жатыр.

Шараға Қазақстан әуе күштерінің бөлімдерінен Су-25 және Су-30 ұшақтары, ал Ресей әуе күштерінен екі эскадрилья, Су-30  бен Су-34 ұшып келді.  Екі ел арасындағы мұндай жаттығулар Қазақстанда 2011 жылы ұйымдастырылған. Әскери әуе күштерінің бірлескен оқу-жаттығу жиыны 21 қыркүйекте аяқталады.

Осыған байланысты ҚР әскери әуе күштерінің қолбасшысы Дәурен Қосанов: «Биылғы оқу жаттығуға қатысып жатқан ұшқыштар аға лейтенанттан бастап, подполлковник  шеніне дейін қатысады. Жас мамандар да бар араларында. Бірінші сыныпты ұшқыштар да бар. «Шығыс – 2019» жаттығуларының шеңберінде  екі ел ұшқыштары әуедегі  қақтығыстарды  тұрақтандыруға арналған операцияларды бірлесіп жүргізді. Бұл шараны өткізудегі басты мақсат, екі елдің қорғаныс саласындағы ынмақтастығын нығайту және ұшқыштардың тәжірбесін шыңдау», – деді.

"The Qazaq Times"