Мұнай өндіруде Қазақстан әлем бойынша нешінші орында?

Былтырғы жылы Қазақстан 90,3 миллион тонна мұнай өндірген. Энергетика министрлігінің мәліметінше, биылғы жылы бұл көрсеткіш 89 миллион тоннаға азаяды. Бірақ бұған қарамастан Қазақстан әлем бойынша мұнай өндіруші топ-20 елдің қатарына кіреді.

Мұнай және газ ақпараттық-сараптамалық орталығының мәліметінше, 2018 жылы әлемдік мұнайдың АҚШ - 16%, Сауд Арабиясы – 13%, Ресей -12%, Канада – 6%, Иран – 5%, Ирак – 5%, Қытай – 4%, Кувейт – 3%, Бразилия – 3%, Мексика – 2%, Нигерия – 2%, Қазақстан – 2% өндірген.

Жыл басынан бері елімізде 7,8 миллион тонна (1,96 млн баррель) мұнай өндірген. Мұнай өндіру бойынша ТМД елдері арасында Қазақстан Ресейден кейінгі екінші орында.

"The Qazaq Times"