Фото: tengrinews.kz

Нұрсұлтан Назарбаевтың баспасөз хатшысы Қазақстанды үлкен өзгерістер күтіп тұрғанын айтты.

Айдос Үкібаев «Нұр Отан» партиясы саяси кеңесінің кеңейтілген отырысы жөнінде өзінің «Twitter» парақшасында жазды. Онда ол жиынға экс-президент, партия төрағасы Нұрсұлтан Назарбаевтың қатысатынын айтып, «бізді үлкен өзгерістер күтіп тұр» деп жазды.

«Бүгін Нұрсұлтан Назарбаевтың қатысуымен «Нұр Отан» партиясы саяси кеңесінің кеңейтілген отырысы өтеді. Партия алдына жаңа міндеттер жүктеледі. Бізді үлкен өзгерістер күтіп тұр» - деп жазды Үкібаев.

Бұған дейін «Нұр Отан» саяси кеңесінің отырысы тамыз айының 16-ы күні болған. Ол кезде Нұрсұлтан Назарбаев партия мүшелеріне алда келе жатқан парламент сайлауына дайындық жұмыстарын бастауға тапсырма берген. Бүгінгі кеңейтілген отырыстың басты тақырыбы партияны жаңарту (перезагрузка) болмақ.

"The Qazaq Times"