Фото: http://bigasia.ru

Жапония мен Үндістан бірлесе отырып 2023 жылы жаңа пилотсыз аппаратты Айға қондырмақ. Yomiuri shimbun басылымының хабарлауынша, аталған қондырғы Оңтүстік полюсті зерттеуге бағытталған.

Ортақ миссия үшін жапон тарабы Н-3 ауыр ракетасын, ал Үндістан қондырғының ішкі аппаратын жасайды. Мәліметтер бойынша, бұл қондырғы 22 шілдеде Айға ұшырылған «Чандраян-2» модульімен ұқсас. Ракета жерге қону нүктесінен 500 м радиуста қозғала алады, сондай-ақ оны су көздерін табуға арналған құрылғылармен жабдықтау жоспарланған. Бұл – бірлескен миссияның негізгі міндеті. Айдың Оңтүстік полюсінде күн сәулесі түспейтін кратерлер бар. Ғалымдар кратерлердің мұз болуы ықтимал дейді.

Үндістандық «Чандраян-2» ғарышқа 22 шілдеде ұшырылған. Ол орбиталық және қону модулінен тұрады. Аппарат 2008 жылы жер серігіне жіберілген «Чандраян-1» модульімен ұқсас. Енді Жапониямен бірлескен жаңа миссия сәтті жүзеге асса, Үндістан Айға қонуды жүзеге асырудан әлемнің төртінші елі (АҚШ, Ресей және Қытайдан кейін) атанбақ.

"The Qazaq Times"