Фото: ВВС

Триполидегі босқындар лагеріне жасалған әуе соққысынан кем дегенде 40 адам қаза тауып, 80 адам жарақат алды.

Ливия билігі әуе соққысына сәуірден бері ел астанасына шабуыл жасай бастаған фельдмаршал Халифе Хафтарады айыптады. Қайтыс болғандардың көпшілігі, шенеуніктердің ақпараты бойынша, Африка елдерінен келген босқындар. Қаза болғандардың нақты саны әзірге белгісіз. «Франс пресс» агенттігінің хабарлауынша, бомбалардың бірі 120 адамы бар мигранттар үйіне дәл түскен.

БҰҰ мойындаған Ливиядағы ұлттық бірлік үкіметі бар жауапкершілікті фельдмаршал Халифа Хафтар басшылығына жүктеді. Дегенмен, Хафтар әскері босқындарды ұстау орталықтарына соққы жасамағанын айтты.

Соңғы жылдары Ливия Африкадан ағылғандар Еуропаға өтетін негізгі пунктке айналған. Бүгінде Еуропа елдеріне заңсыз өткізуді бизнеске айналдырған елдің бірі Ливия саналады.

"The Qazaq Times"