Украина экс-президентінің үстінен бес бірдей қылмыстық іс қозғалды.

Украина мемлекеттік тергеу бюросының директоры Роман Трубаның сөзінше, экс-президент Петр Порошенконың үстінен бес бірдей қылмыстық іс қозғалған. Аталмыш іске байланысты кәсіпкер Сергей Тигипко, «Прямой» телеарнасының басшысы Владимир Макеенко тергеуге шақыртылады.

Петр Порошенко билік басынан сәуір айында болған сайлауда Владимир Зеленскийден жеңілгеннен кейін кеткен. Сайлау науқаны кезінде Зеленский оны «маңайына олигархтарды топтастырды» деп айыптап, президент болып сайлана салысымен «билікті олигархтардан тазартамын» деп мәлімдеген.

"The Qazaq Times"