Қазақстанда әлеуметтік желілерге кіру қиындады.

Әлемдегі интернет бостандығын бақылайтын «NetBlocks» тобының мәліметінше, Қазақстанда маусым айының 11-інен бері Facebook, WhatsApp және Instagram әлеуметтік желілеріне кіру қиындаған.

Халық бір күннен бері интернетке кіру қиындап, WhatsApp желісі істемей тұрғандығын айтуда. Ғаламтор қолданушылары интернетке VPN арқылы кіруде.

Естеріңізге салайық, 9 мамырда Қазақстанда бірнеше сайт пен әлеуметтік желілер ашылмай қалған.

Жалпы, Қазақстанда кезектен тыс президент сайлауы қарсаңында ғаламторды бұғаттау жиілеген. Оған дейін интернет жұмысы кешкі уақыттарда қиындаса, мамыр айының басынан бері оның жұмысы күндіздің өзінде нашарлаған.

"The Qazaq Times"