АҚШ Федералды барлау агенттігінің басшысы Кристофер Рэй.

АҚШ-тың Федералды барлау агенттігінің басшысы Кристофер Рэй Қытай мен Ресейге қатысты мәлімдеме жасады.

«Бір де бір ел иновациялық технологияларды ұрлауда Қытайға тең келмейді. Қытай тұңғыш рет әлеуметтік тәсілдерді қолдануда. Олар осы арқылы көптеген компаниялар мен университеттерден жаңа технологияларды ұрлауда» - деді Рэй 26 сәуір күні Уашингтонда сөйлеген сөзінде.

Бұдан бөлек Федералды барлау агенттігінің басшысы АҚШ-тың кибер қауіпсіздігіне келетін қауіп жөнінде де әңгіме қозғады. Онда ол Америке құрама шататтарына кибер шабуыл жасауда айтарлықтай зиян келтіретін Ресей екендігін айтты.

«АҚШ-қа барлау саласында басты қауіп Ресейден келеді. Бұл жерде бірінші кезекте кибер шабуылды айтамыз. Бұны 2016 жылы президент сайлауында болған жағдайлардан байқауға болады» -деп мәлімдеді Рэй.

Бұған дейін сәуір айының 18-і күні АҚШ Әділет министрлігі Мюллер баяндамасын жариялаған. Онда 2016 жылы президент сайлауына Ресей Федерациясының араласпақ болғандығы жөнінде айтылған.

Ресми Мәскеу АҚШ-тың бұл айыбын жоққа шығарады. Ресей СІМ аталмыш баяндамаға байланысты: «АҚШ прокуратурасы Ресейдің сайлауға араласуына қатысты толыққанды дәйек-дәлел көрсете алған жоқ» - деп мәлімдеді.

"The Qazaq Times"