Нұрсұлтан Назарбаев Еуроодақты ЕАЭО мен «Бір белдеу-бір жол» жобасына қосылуға шақырды.

Қытай астанасы Бейжіңде өтіп жатқан «Бір белдеу-бір жол» форумында Нұрсұлтан Назарбаев баяндама жасады. Онда ол Еуразиядағы интеграция мәселесін айтты.

«Дәл қазір Ресей президенті Владимир Путин ЕАЭО мен Жібек жолының жақындасуы жөнінде айтты. Бұл өте маңызды. Болашақта Еуроодақ «Бір белдау-бір жол» мен ЕАЭО-ға қосылатын болса, онда бұл Еуразияда барлығына тиімді жоба болар еді» - деп мәлімдеді Назарбаев.

Бүгін Бейжің қаласында екінші "Бір белдеу-бір жол" форумы өтуде. Оған 37 елдің мемлекет басшылары мен ресми өкілдері қатысуда.

"The Qazaq Times"