Ресей Сүрия портын 49 жылға жалға алды.

Ресей Федерациясы Сүрияның Тартус портын 49 жылға алды. Бұл жөнінде Ресей вице премьері Юрий Борисов Сүрия президенті Башар Асадпен болған кездесуден кейін мәлімдеді.

«Біз бір апта ішінде келісім шартқа қол қоямыз деп үміттенеміз. Осыдан кейін порт 49 жылға Ресейдің пайдалануына өтетін болады» - деді Борисов журналистер алдында сөйлеген сөзінде.

Ресей вице-премьерінің сөзінше, аталмыш келісім 2018 жылдың желтоқсан айында өткен мемлекетаралық комиссия отырысында қабылданған.

Сүрияның Тартус портына 49 жылға Ресейдің материалдық-техникалық базасы орналасатындығы жөнінде 2017 жылы белгілі болған. Ал аталмыш аймақта Ресейдің әскери-теңіз күштерінің базасы ашылатындығы жөнінде 2016 жылы айтылған.

"The Qazaq Times"