Сауд Арабиясының тақ мұрагер ханзадасы Мұхаммед бин Салман ас Сауд.

«Үлкен жиырмалық» саммиті, яғни G20 мүшелерінің 15-ші кезекті жиналысы Сауд Арабиясының орталық қаласы Эр-Риадта өтпек. Шараның елінде өтуіне Сауд әулетінің қазіргі тақ иесі Король Салман ибн Абдулазиз ас-Сауд өзі қолдау білдірген. Бұл туралы сол елдің ресми ақпарат агенттігі SPA хабарлады.

Қараша айында өтетін жиынның басты тақырыптарында, G20-ға мүше елдердің ынтымақтастығын дамыту, ғаламдық экономикалық мәселелерге ортақ шешім қарастыру және экономикалық дамуды қамтамасыз ететін шараларды табу қатарлы негізгі мақсаттары тұр.

Бұдан тыс саммитте қоршаған орта, жылудан ластану, климат өзгерістері, миграция, энергетика және экономика дағдарысының алдын алу қатарлы қосымша тақырыптары бар. Сауд Арабиясы «Үлкен жиырмалыққа» мүше елдер басшыларының саммитін  араб елдері арасында  алғаш рет ұйымдастырғалы отыр.

“The Qazaq Times”