Түркия президенті Режеп Тайып Ердоған басқаратын «Әділеттілік және даму» партиясы Жоғары сайлау комиссиясына Стамбұлда өткен қала әкімі сайлауының қорытындысын жойып, қайтадан сайлау өткізу жөнінде өтініш түсірді.

Партия төрағасының орынбасары Али Ихсан Явуз Түркияның ең ірі қаласы мэрін сайлауда әділетсіздік орын алды дейді. Егер оның өтініші қабылданса, қайта сайлау 2 маусымға белгіленеді.

Түркияда қала мэрін сайлау 31 наурызда өткен. Алдын ала сайлау қорытындысы бойынша, оппозициялық Халықтық-республикашыл партия өкілі Экрем Иммамоглу жеңіске жеткен. Стамбұлда 15 млн адам тұрады.

"The Qazaq Times"