Ресми Анкара Уашингтонға ескерту жасады.

«Түркияны F-35 ұшақтарын құрастыруға байланысты халықаралық жобадан шығарып тастау болашақта АҚШ-тың өзіне зиянын тигізеді. Жобадан шығарылу Түркияны ғана жазалау емес, толықтай жобаны жазалау» - деп мәлімдеді Түркия президентінің баспасөз хатшысы Ибрагим Калын Уашингтонда өткен «АҚШ-Түркия қарым-қатынасы» форумында.

Бұған дейін Анкара Ресейден С-400 зымыран жүйесін сатып алудан бас тартпайтынын мәлімдеген. Өз кезегінде АҚШ тарапы С-400 зымыран жүйесі НАТО стандарттарына сәйкес келмейтінін және алдағы уақытта Түркияға F-35 ұшақтарын сатуды тоқтататынын айтып, ескерту жасаған.

"The Qazaq Times"