Дүниежүзілік экономика өсімі бәсеңдейді

Дүниежүзілік экономика өсімі бәсеңдейді.

Халықаралық валюта қоры 2019 жылғы әлемдік ЖІӨ өсімінің төмендеуі мемлекеттердің қаржылық реформасы мен сыртқы байланыстағы келеңсіздіктерге қатысты деп мәлімдеді.

ХВҚ сәуірдегі «Әлемдік экономиканың перспективалары» атты шолуында әлем елдерінің 70%-ң экономикасы соңғы онжылдықта ең төменгі көрсеткішке яғни 3,3%-ға түсетіндігін атап өткен. Дегенмен 2020 жылы өсім бұрын жасалған болжамға сәйкес 3,6% болуы тиіс.

Ұлыбритания және өзге де Еуропа елдерінің ЖІӨ өсімі 0,3%, ал АҚШ-та 0,1%-ға төмендейді. Әлемдік өсімнің бәсеңдеуіне әкеп соқтыратын басты себептердің бірі Қытай экономикасының құлдырауы мен халықаралық сауда саясатындағы жағдайдың шиеленісуі. Сонымен қатар, Британияның «Brexit» жоспары да басты себептердің қатарында. «Morgan Stanley» америкалық банк холдингінің мәліметінше, Қытайдағы жалпы ішкі өнім көрсеткіші екінші тоқсанда бәсеңдейді. Елдің сыртқы және ішкі нарықтағы қаржысы тұрақталмағандықтан, банктер арқылы келеді деген қыруар қаражаттың есебі теріс көрсеткішке жеткен. Ресми статистикалық мәліметтеріне қарағанда, қарашада сату мөлшері 8,1%-ға өскен. Ал бұл 2003 жылдан бергі ең төменгі өсім көрсеткіш. Сарапшы мамандар АҚШ-пен сауда соғысынан кейін Қытайдың экономикалық өсімі 5,5%-ға төмендейді деп болжаған. Былтыр өсім 6,6% деңгейіне жетіп, соңғы 30 жылдағы ең төменгі көрсеткіш қатарына енді.

"The Qazaq Times"