![](https://qazaqtimes.com/kk/content/uploads/2019/04/US_NATO_68846.jpg-80b5e_c0-158-3794-2370_s885x516-800x480.jpg?token=7d87cb6feadc060fea44c08380017696)
НАТО ұйымының 70 жылдығына орай мүше елдердің сыртқы істер министрлері 3-4 сәуір күндері Уашингтонда бас қоспақ. Жиналыс кезінде Ресей тақырыбы, Ауғанстандағы қайшылықты жөнге салу мәселелері ортаға салынбақ.
Ертең НАТО-ға мүше елдердің СІМ басшылары АҚШ Конгресі жағынан ұйымдастырылған арнайы жиынға қатысады. Онда ұйымның бас хатшысы Йенс Столтенберг баяндама жасамақ. Сондай-ақ, кеште қатысушылар бұдан жетпіс жыл бұрын Солтүстік Атлантика келісімі қол қойылған Меллон сарайында бас қосады.
НАТО-ның бұл реткі жиналысында Ресейдің орта қашықтыққа атылатын зымырандар туралы келісімге қайшы әрекеттері ең негізгі тақырып болмақ. Ұйымның бас хатшысы Столтенбрег бұл жөнінде Ресейді айыптап пікір білдірген. Ол сөзінде: «Ресей біздің ескертуімізді тыңдамай отыр. Біздің уақытымыз тығыз, сондықтан да НАТО-ның ең басты қадамдарын талқылайтын боламыз», – деген.
Ол және Грузия мен Украинаға қарата қолдауды күшейтетінін де ашық айтты. Бұл алдағы уақытта НАТО мен Ресей арасындағы қайшылықтың тіпті де күшейе түсетінін көрсетеді.